306
REGISTRES DU BUREAU
[i57i]
Après eulx marchoient messieurs les premiers Maislres d'hostel du Roy et de la Royne, accom-paignez des aultres Maistres d'hostel dudict seigneur et de la Royne.
Messieurs de la court de Parlement, souveraine de ce Royaulme, semblablement preceddez par leurs huissiers; les quatre Notaires et Greffier criminel et des Presentations de lad. Court, vestuz de robbes d'écarlatte; le Greffier civil après eulx, seul, por­tant sa chappe fourrée de menu vert, et après luy le premier huissier aussy seul, habillé de escarlatte, son mortier de drap d'or en la leste, fourré de menu vert. Les Presidenlz estoient revestuz de leurs chappes d'es-carlatte, les mortiers en la teste, ainsy qu'il est accous­tumé, monsieur de Thou, premier President, ayant, pour difference des aultres, trois petites bandes d,e toille d'or sur l'espaulle gaulche. Et suyvoienl après les Presidens des Enquestes et Conseilllers, avec les deux Advocatz et, au milieu d'eux, le Procureur ge­neral du Roy, portans tous robbes d'escarlatte et leurs chapperons de mesme, fourrez de menu vert.
Tous les dessusdicts ayant trouvé lad. dame sur ledict eschaffault, marchans eu l'ordre et comme cy devant est dict, luy ont faict leurs très humbles salutations et harangues, puis s'en sont retournez en la Ville, au mesme ordre qu'ilz estoient allez.
Après les dessusdictz rentrez, l'artillerye en grand nombre a tiré et salué lad. dame. Et cela faict, ont commencé à marcher ceulx de sa compaignie et suicte, asscavoir :
Le Prevost de Monseigneur le duc d'Anjou, frere et Lieutenant general du Roy, suivy de son lieute­nant de robbe courte, de ses deux lieutenans de robbe longue, et de ses greffier et archiers;
Les deulx compaignies de chevaulx legiers du sieur de Monterud -1', grand Prevost de France et de l'Hostel du Roy, conduittes par les cappitaines, lieu­tenans et enseignes d'icelles ;
Le sieurde Cambyf2', cappitaine des guydes, suivy des quatre guydes du Roy, entretenuz à sa suitte;
Ledict sieur de Montrud (sic), accompagné de ses lieutenans de robbe longue et de robbe courte, exemptz, greffiers et archiers de la Prevosté de
l'Hostel à cheval, ayans leurs hocquetons d'orfevrie, ét chacun ung espieu au poing;
Les cappitaines, lieutenant, enseigne et exemptz de la garde de Monseigneur le duc d'Alençon, frere du Roy, suivys.de cinquante archiers, vestuz de ca-zaques de veloux gris, passementez de passement d'argent et de soye orengée, bien montez et equippez, ayans leurs harquebouzes à l'arçon de la selle ;
Le cappitaine, lieutenant, enseigne et exemptz de la garde de mondict seigneur le duc d'Anjou, aussy fort bien montez sur grands chevaulx et richement vestuz et accoustrez, suiviz de pareil nombre d'ar-chiers à cheval, portans cazaques de veloux vert, passementez d'argent.
Après eulx sont venuz les gentilzhommes des princes, princesses, dames et grands seigneurs qui accompaignerent la Royne; et suyvant eulx, grand •nombre de gentilzhomnies servant et escuyers d'es-curie du Roy, habillez les ungs de draps de soye, enrichiz de passement d'or, les autres ayans les dou-bleures de leurs cappes ct manteaux de toille d'or ou d'argent, fort bien montez sur beaux et grandz chevaulx, avec les housses de mesme parure que leurs hahillementz.
Après, les gentilzhommes de la Chambre de Mon­seigneur le duc d'Alençon, de Monseigneur le duc d'Anjou, ceulx du Roy, et parmy eulx plusieurs cap-pittaines et grands seigneurs, jusques environ le nombre de mil, les ungs vestuz de drap d'or frizé, les autres d'autres differentes sortes de drap d'or, d'argent et de soye, la pluspart ayans par dessus le drap d'or ou d'argent, du passement d'or ou d'argent'3' d'enrichissemens et belles façons de leurs manteaux, et chappeaulx semez d'une infinité de grosses perles, pierreries, bouttons et fers d'or, tous montez sur grands chevaulx d'ineslimable valleur, fort sump-tueusement enharnachez et ayans leurs housses cie mesme pareure que leurs habillemens.
Eulx passez, ont suivy deux huissiers de la Chan­cellerie, portans robbes de veloux cramoisy violet, brodées de passement d'or, et leurs masses; les grand Audiencier, et, au lieu du Contrerolleur de l'audience qui estoit mallade, son commis, revestuz
(1> Sic ici et plus bas, ainsi que dans le texte imprimé. Le méme personnage est appelé précédemment de Monstreuil, dans le manuscrit, et Monterend dans l'imprimé (ci-dessus, p. 285). Son nom est aussi écrit Monterud dans un mandement daté d'Anet, le 9 mai 1571, par lequel Charles IX ordonne au Parlement d'enregistrer ses provisions de Grand Prévôt de France et de l'Hotel. {Archives nat., X1" iC32, fol. 112, 19 mai.)
(J) François de Cambis, qui fut gentilhomme de la chambre de Henri III et chevalier ile son Ordre. Il obtint du Roi, au mois de décembre 157-i, l'érection de sa baronnie d'Alais on vicomté.
'3' t-Du passement d'or ou d'argent!..manque dans B. .